KWA mara ya kwanza, mzazi mwenza na msanii wa muziki na filamu Bongo, Zuwena Mohamed ‘Shilole’, Elias Makala ameibuka na kujinadi hadharani wilayani Igunga, Tabora.
Shilole akiwa na mzazi mwenzake Elias Makala.
Pozi
hilo la kimahaba liliwashangaza watu na kuanza kudhani kuwa huenda
wawili hao wakarudisha penzi lao lililokufa miaka mingi iliyopita.
“Mh!
Kweli mtalaka hatongozwi, hebu ona Shilole alivyorembua alipomuona
jamaa yake, pale Makala kumchukua ni kama kumsukuma mlevi,” alisema
shuhuda mmoja.
Shilole akiwa na mzazi mwenzake klabu.“Hahahahaa! Kwa kweli unanichekesha kuniuliza kama nimerudisha penzi kwa mzazi mwenzangu, huyu ni baba wa mwanangu Joyce, itabaki kuwa hivyo. Siwezi kumtenga na sioni ajabu kupiga naye picha, hakuna kinachoendelea,’’ alisema Shilole.
Licha ya kufafanua hivyo, usiku wa siku hiyo, Shilole alipokuwa jukwaani akipagawisha mashabiki kwa shoo kali, alimpandisha jukwaani mzazi mwenziye huyo hali iliyozua mtafaruku mkubwa kwa mpenzi wa sasa wa Makala aliyefahamika kwa jina la Maguno.
Baada ya shoo kuisha, Maguno aliyekuwa na jazba kwa mpenzi wake kupandishwa jukwaani, alimsaka Shilole kwa udi na uvumba kutaka kumtembezea kichapo lakini bahati haikuwa yake, hakuweza kumpata hadi msanii huyo aliporejea jijini Dar siku iliyofuata.
