Kilichowakera abiria ni kupewa taarifa hiyo ghafla tena bila kuelezwa
sababu ya hatua hiyo. Mzozo huo ulizimwa kwa busara za askari polisi wa
reli na wa kampuni binafsi ya ulinzi waliokuwapo katika stesheni hiyo
Kampuni ya Reli Tanzania (TRL), imesitisha safari za treni ya
Reli ya kati kwa siku saba kutokana na kubainika hitilafu katika Daraja
la Ruvu.
Mkurugenzi Mtendaji wa kampuni hiyo, Kipallo
Kisamfu alisema: “Itachukua takriban siku saba hivi hivyo kuanzia jana
(juzi), eneo la reli lenye urefu wa kilometa 82 kutoka Dar es Salaam
hadi Ruvu limesitishwa kwa muda kutoa huduma ya usafiri wa reli.”
Juzi, shirika hilo lilitangaza kusitishwa ghafla
kwa safari kutokana na kubainika kuwepo nyufa katika daraja hilo na
kuzua vurumai baina ya maofisa wa TRL na abiria.
Kilichowakera abiria ni kupewa taarifa hiyo ghafla
tena bila kuelezwa sababu ya hatua hiyo. Mzozo huo ulizimwa kwa busara
za askari polisi wa reli na wa kampuni binafsi ya ulinzi waliokuwapo
katika stesheni hiyo.
Ofisa Habari wa TRL, Midradjy Maez alisema baadaye
kuwa usafiri huo umesitishwa kutokana na kubainika kwa nyufa hizo na
timu ya wahandisi wa kampuni hiyo ikiongozwa na Mkurugenzi Mtendaji
ilikuwa imekwenda eneo la tukio.
Chanzo:Mwananchi
