Mchekeshaji mkongwe nchini,Mzee Majuto ambaye pia anajulikana kama King Majuto,ametangaza kuwania Ubunge kwa tiketi ya Chama Cha Mapinduzi(CCM) katika uchaguzi mkuu wa mwaka 2015.
Akiongea kupitia kipindi cha Amplifaya cha Clouds ambacho kinaendeshwa na Millard Ayo, Majuto amesema atagombea Jimbo la Tanga. Sababu ambazo zimechangia uamuzi wake ni pamoja na kuona wasanii wenzake waliotangulia kwenye siasa wakifanya vitu vizuri tu na anaamini kwa kutumia uzoefu wake wa kuona mengi na kusikia mengi licha ya kutembea sehemu mbalimbali za Tanzania, atakuwa kiongozi anayefaa.
