Video vixen Agnes Gerald a.k.a Agnes Masogange amefunguka kuhusu matatizo aliyoyapata mwaka jana baada ya kukamatwa uwanja wa ndege wa Or-Tambo, Afrika Kusini (July 5 2013) na mzigo uliosemekana kuwa ni dawa za kulevya.
Agnes
ni miongoni mwa Watanzania waliokwenda Durban, Afrika Kusini kumsupport
Diamond Platnumz katika Tuzo za MTV (MAMA) weekend iliyopita, na
Bongo5 ilipata nafasi ya kufanya nae Exclusive Interview.
“Ilikuwa
ndio mara yangu ya kwanza kuingia jela sijawahi kuingia jela tangu
nizaliwe, nilivyoingia mle ndani nikawa naomba kila siku eh Mungu
wangu,” alisema Aggy.
Pamoja
na mengine, Masogange ambaye kwa sasa amehamishia makazi yake jijini
Johannesburg, aliweza kushare na sisi jinsi maisha yake ya jela
yalivyokuwa baada ya kukamatwa na kuwekwa ndani huko Afrika Kusini.
“Nilivyofika
pale na watu walivyokuwa wanachukulia yani na mimi nilikuwa nahisi
labda siwezi kutoka leo wala kesho, nilikuwa nahisi labda ntapigwa
sentence ya miaka kumi miaka kumi na tano lakini Mungu ni mkubwa
nimetoka.” Alisema.
Agnes amesema kuwa kuna baadhi ya marafiki zake ambao walikuwa wanatamani afungwe:
“Yah
kuna wengine hadi marafiki zangu walikuwa wanapenda mi nikae ndani, si
unajua sisi yani hatupendani mimi naweza nikakupenda wewe ukiwa na kitu
lakini mimi nikipungukiwa kitu flani huwezi kuwa rafiki yangu tena
sababu unajua Agnes kakwama kitu flani, kwahiyo atakuwaje rafiki yangu.
Au wengine wanaweza kuongea ooh Agnes alikuwa anaringa sijui hivi na
hivi bora ameenda jela.”
Alichojifunza Jela:
“Nimejifunza
vingi sana sababu kule ndani sio kuzuri kabisa [kicheko] lakini naona
jela ya huku (South Africa) na Tanzania ziko tofauti, jela ya huku
kidogo unakula vizuri unalala vizuri baada ya siku mbili mnabadilishiwa
mashuka mnapewa sabuni kila kitu, maji ya moto mnaoga [sigh] sijui kama
bongo kuna maji ya moto [sigh]. Lakini mi nahisi jela ni jela unajua mtu
hata uwe unakaa jela nzuri ukikosa ule uhuru tu ndio hivyo."
Masogange pia alizungumzia ukweli wa kilichotokea hadi kukamatwa na kuwekwa ndani:
“…Watu
walikuwa wanaongea ile ni drugs lakini sio drugs…, we hujui
wanatengenezea nini mahospitli , zinatumika mahospitali, zinatengeneza
panadol, “
Ushauri kwa wasichana wengine wanaotumiwa katika biashara ya dawa za kulevya:
"Mimi
nilikuwa nawashauri yani hizi kazi sio nzuri ni bora mtu utafute pesa
kwa biashara nyingine lakini sio mambo ya madawa au kubebeshwa madawa ya
kulevya, kwasababu yani ukishashikwa tu miaka yako ni mingi sana."
Credit: Bongo5
