Kijana
mmoja anayekadiriwa kuwa na umri wa miaka 28-30 ambaye hajafahamika
jina lake wala makazi ameuawa na wananchi wanaodaiwa kuwa na hasira kwa
tuhuma za wizi katika mtaa wa Muhongolo wilayani Kahama mkoani
Shinyanga. Tukio hilo limetokea leo majira ya saa tatu asubuhi baada ya kudaiwa kuwa mtuhumiwa huyo alikutwa ndani kwenye nyumba ya jirani ambayo hata hivyo haijatajwa, ambapo alijifungia ndani kabla ya wananchi kuvunja mlango na kumtoa.
Imedaiwa kuwa Kijana huyo amewawa akituhumiwa kuhusika na wizi wa TV na Solar katika maeneo ya mtaa huo, na kwamba amekuwa akifanya uhalifu mara kwa mara lakini amekuwa akiendelea kuonekana mtaani hata baada ya kukamatwa na polisi.
Jeshi
la Polisi wilaya ya Kahama limethibitisha kutokea kwa tukio hilo na
kwamba Mwili wa Marehemu umehifadhiwa katika chumba cha kuhifadhia maiti
katika hospitali ya Wilaya ya Kahama, huku upelelezi ukiendelea.
