WASANII WAMZUNGUMZIA MAREHEMU MZEE SMALL, WADAI KAMA WANGEMCHANGIA AKIWA HAI ASINGEKUFA KWA MARADHI

Endapo umati uliofurika kwa wingi jana kumzika msanii mkongwe wa vichekesho nchini marehemu Saidi Ngamba maarufu kama Mzee Small, ungechanga fedha kwa ajili ya matibabu yake enzi za uhai wake, huwenda leo asingekuwa marehemu.

Kauli hiyo imetolewa na baadhi ya wasanii wa bongo movie waliozungumza na Mtandao huu katika mazishi ya msanii huyo.

Jangala: Kimsingi tumepata pigo kubwa sana kuondokewa na Mzee wetu, alikuwa mbunifu na mwenye kuipenda kazi yake, hakuwahi kuifanya chini ya kiwango, lakini leo hii maradhi yamemuondoa hatuna la kufanya zaidi ya kumuomba Mungu ampokee na kumsamehe madhambi yake.

JB: Wakati waze kama hawa wakiwa hai huwa hatuwatumii vipaji vyao vinapotea bure, kiukweli kizazi cha sasa tunapaswa kuwatumia wazee hawa kabla hawajafa, kuna wazee waliobaki kina King majuto, Bi Hindu na wengine tusiwadharau

Steve Nyerere: Laiti huu umati uliofika kumzika Mzee Small ungechanga hela kwa ajili ya matibabu ya marehemu huwenda asingekufa kwa maradhi, ingawa hatujui kama Mungu angempenda zaidi lakini ingetokea hivyo ni sawa pia, lakini ni bora kumthamini mtu akiwa hai kuliko akifa kuuthamini msiba wake, kwa kweli mimi nitawahsuri wenzangu tuwasaidie wakiwa wanaumwa kuliko msibani.

Senga: Nimefanya kazi na marehemu katika majukwaa kwa kweli uwezo wake ulikuwa mkubwa hakuna haja ya kuukwepesha ukweli huu, tumepata pigo kubwa sana.

Richie: Ni misiba ya mfululizo imetukumba wasanii, Mzee Small ni msanii mkubwa sana, alikuwa na uwezo kwenye fani toka enzi hizo sisi ni wadogo tunamuona akifanya vizuri hadi anakufa.

Mkwere: Pengo la msanii yeyote ni ngumu kuzibika akishakufa hawezi kutokea kama yeye, ikiwezekana kama watoto wa marehemu wanaipenda sanaa waingie ili kuendeleza kipaji cha baba yao.